29
сентябрь
2022
"Күзгі бал - 2022"
Сарқан ауданы, Жетісу орта мектебінің 11-сынып оқушыларының және өзін-өзі басқару ұйымының ұйымдастыруымен "Күзгі бал" өтті. Онда: 10-сыныптан "Күзгі шуақ", 9-сынып "Алтын күз", 8-сынып "Күзгі жапырақ", 7-сынып "Күрең күз" атты сайыскерлері қатысты. Әділ қазы алқаларына мектеп директоры К.Кильчабаев, мектеп мұғалімдері Н.Абишев, А.Ахмет, Т. Жарысбек, А.Серикбаева тағайындалды. Келесі өнер сайысында 10-сынып оқушылары Толқынқызы Нұрсара мен Төлеузан Альбина күз өлеңін айтып, 9-сынып оқушылары "Құстар" әнін орындады, 8-сынып оқушылары Сапиева Диляра, Әбілғапар Жігер, Оразхан Аян "Алтын күз" өлеңін оқыды ал 7-сынып оқушысы Сансызбайқызы Алима "Алтын күз келді" әнін орындады. 2 "Үй тапсырмасы" сайысында 10-сынып оқушылары Ахмет Байтұрсынұлының әңгімесіне композиция жасады (домбыра, көзілдірік, кітап). 9-сынып оқушылары Мұхтар Әуезовтың "Жетім" әңгімесі бойынша композиция көрсетті. 8-сынып оқушылары Қазақстан Респуликасының Рәміздерінің 30 жылдығына Тудың композициясын жасады. 7-сынып оқушылары Қаз Дауысты Қазбек бидің 330 жылдығына орай нақыл сөзінен композиция жасады. 3 сайыста әр сынып сән үлгісін көрсетті. Соңында әділ қазылардың шешімімен 3 орынмен 7-сынып оқушылары марапатталды. Дайындаған жетекшісі Құралай Дармишева, 2 орынмен 8-сынып оқушылары марапатталды. Дайындаған жетекшісі Райымбек Жабайханов, 1 орынмен 10-сынып оқушылары марапатталды. Дайындаған жетекшісі Гүлнар Мухамадьярова, Бас жүлде "Гран при" 9-сынып оқушылары жеңіп алды. Дайындаған жетекшісі Эльмира Сеитбаева. Іс-шараның ұйымдастырылуын басшылыққа алған тәрбие ісі меңгерушісі Лязат Алыбаева.